ಪತ್ರ
ಪತ್ರ
ಅಂದು ಗೆಳತಿಯ ಮದುವೆಯ ಸಂಭ್ರಮದಲ್ಲಿ ನಿನ್ನ ಕಂಡಿದ್ದೆ . ಮೌನವಾಗೇ ಎಲ್ಲರನ್ನೂ ನಗು ಮುಖದಿಂದ ಸತ್ಕರಿಸುತ್ತಿದ್ದೆ ನೀನು .
ಆಗಾಗ ನನ್ನ ಕಡೆ ನಿನ್ನ ನೋಟ ಹರಿಯುತ್ತಿತ್ತು . ಅಲ್ಲಿ ಬಂದ ಹುಡುಗಿಯರೆಲ್ಲರೂ ತುಂಬಾ ಅಂದವಾಗೇ ಇದ್ದರೂ ನಿನ್ನ ನೆಟ್ಟ ನೋಟವು ಮಾತ್ರ ನನ್ನ ಮೇಲೆಯೇ ಇತ್ತು .
ಮುಜುಗರ ಎನಿಸಿದರೂ ಏಕೋ ಆ ನಿನ್ನ ನೋಟ ಇಷ್ಟವಾಗಿತ್ತು . ನಿನಗಾಗೇ ಅಂದು ಆರತಕ್ಷತೆ ದಿನ ಮುತುವರ್ಜಿಯಿಂದ ಹೆಚ್ಚಾಗೇ ಅಲಂಕರಿಕೊಂಡಿದ್ದೆ .
ಮಧು ಮಗಳ ಪಕ್ಕ ನಿಂತ ನಾನು ನಿನ್ನ ಹುಡುಕಿದ್ದೆ . ಏಕೊ ಕಾಣೆ ನೀನು ಕಾಣಲೇ ಇಲ್ಲ . ಮನಸ್ಸು ಪೆಚ್ಚಾಗಿತ್ತು .
ನೀನು ಯಾರೋ . ಏನೋ ನಿನ್ನ ಬಗ್ಗೆ ನನಗೇನೂ ತಿಳಿದಿಲ್ಲ . ಆದರೂ ನಿನಗೇಕೆ ನಾನು ಕಾಯ ಬೇಕು ?
ಗೊಂದಲಗಳು ಮನದಲ್ಲಿ ಇದ್ದರೂ ಕಣ್ಣು ಮಾತ್ರ ನಿನ್ನೇ ಹುಡುಕುತ್ತಿತ್ತು .
ನೋರಾರು ಜನರ ಮಧ್ಯೆ ಹೇಗೆ ಹುಡುಕಲಿ ನಿನ್ನ , ಎಲ್ಲಿ ಹೋದ ಇವನು ?
ಯೋಚಿಸುತ್ತಿರುವಾಗಲೇ ನನ್ನ ಕಿವಿಯ ಬಳಿ ನೀನು
ನುಡಿದಿದ್ದೆ . " ಹುಡುಕುತ್ತಿರುವುದು ನನ್ನ ? " ಗಾಬರಿಯಿಂದ ನಿನ್ನ ನೋಡಿದವಳಿಗೆ ನೀನು ನನ್ನ ಪಕ್ಕದಲ್ಲೇ ನಿಂತು ನನ್ನ ಕಣ್ಣು ನೋಡುತ್ತಿದ್ದೆ.
ಅಲ್ಲಿನ ವಾತಾವರಣ , ಜನ ಎಲ್ಲರನ್ನೂ ಒಂದು ಕ್ಷಣ ನಾವಿಬ್ಬರೂ ಮರೆತು ಕಣ್ಣೊಳಗೆ ಕಣ್ಣು ಬೆರೆಸಿದ್ದೆವು .
ಪಕ್ಕದಲ್ಲಿ ನಿಂತ ಗೆಳತಿ ಸುಮತಿ ಕರೆದಾಗಲೇ ಇಬ್ಬರೂ ಎಚ್ಚರ ಗೊಂಡಿದ್ದು.
love is first sight ಎಂದು ಯಾರು ಹೇಳಿದರೋ ಅದು ನಿಜವಾಗಿ ಇದೇ ನಾ ?
ನೆನೆದಾಗ ಈಗಲೂ ನಗು ಬರುತ್ತದೆ. ಮಾರನೆಯ ದಿನ ಹಿಂದಿರುಗಿ ಬೆಂಗಳೂರಿಗೆ ಬರಬೇಕಿತ್ತು . ಮನಸ್ಸು ಮಾತ್ರ ನಿನ್ನ ಬಳಿಯೇ ಇತ್ತು .
ಎಷ್ಟು ಆತ್ಮ ವಿಶ್ವಾಸ ದಿಂದ ನುಡಿದಿದ್ದೆ ನೀನು . ಎರಡು ದಿನದಲ್ಲಿ ನನ್ನ ಕಾಣಲು ಬರುವೆ ಎಂದಿದ್ದೆ .
ನಾನು ನಿನ್ನ ಕೆಣಕಿದ್ದೆ . " ನಾನು ಯಾವುದೇ ರೀತಿಯ ನನ್ನ ಮಾಹಿತಿ ಕೊಡುವುದಿಲ್ಲ ಹೇಗೆ ನನ್ನ ಕಾಣಲು ಬರುವೆಯೋ ನೋಡೋಣ" ಎಂದಿದ್ದೆ .
ಆದರೆ ಆ ನಿನ್ನ ಮುಗಳು ನಗೆಯಲ್ಲಿ ಉತ್ತರ ಸಿಕ್ಕಿತ್ತು.
ಯಾರನ್ನು ಹೆಚ್ಚು ಹಚ್ಚಿಕೊಂಡವಳಲ್ಲ . ಆದರೆ ಹುಡುಗ ನೀನು ಏನು ಮೋಡಿ ಮಾಡಿದೆಯೋ ಗೊತ್ತಿಲ್ಲ ಕಣೋ
ಪ್ರತೀ ಕ್ಷಣವೂ ನಿನ್ನ ಬರುವಿಕೆಗಾಗಿ ಕಾಯುತ್ತಿತ್ತು ಮನ.
ನಿನ್ನ ಎದುರಿನಲ್ಲಿ ಮನಬಿಚ್ಚಿ ಮಾತನಾಡಲು ನಾಚಿದ್ದರೂ . ಮನಸು ತುಂಬಾ ನಿನ್ನ ದೇ ಯೋಚನೆ ಕಣೋ.
ಅಂದು ನೀನು ಹೇಳಿದಂತೆ ಅಣ್ಣನ ಜೊತೆ ಮನೆಗೆ ಬಂದಿದ್ದೆ . ಅಣ್ಣ ನಿನ್ನನ್ನು ನನಗೆ ಪರಿಚಯ ಮಾಡಿ ಕೊಟ್ಟಾಗ ಏನೂ ಅರಿಯದವಳಂತೆ ನಿನ್ನ ನೋಡಿ ಮುಗುಳು ನಕ್ಕು ಒಳ ಹೋಗಿದ್ದೆ .
ನೀನು ಇರುವ ವರೆಗೂ ಹೊರಗೆ ಬರದೇ ಹೋದೆ . ನಿನ್ನ ಕಣ್ಣು ನನಗಾಗಿ ಹುಡುಕುತ್ತಿತ್ತು . ಅದು ನನಗೂ ಗೊತ್ತು ಕಣೋ.
ಆದರೆ ಏನು ಮಾಡಲಿ ಅಣ್ಣನ ಎದುರು ನಿನ್ನ ಮಾತನಾಡಿಸಲು ಏನೋ ನಾಚಿಕೆ .
ಅಣ್ಣ ನಾನು ಗೆಳೆಯರ ತರಹ ವಿದ್ದರೂ . ಈ ವಿಷಯದಲ್ಲಿ ಮಾತ್ರ ಏನೋ ಅಂಜಿಕೆ ಕಾಡಿದ್ದು ನಿಜ.
ಮುನಿಸಿನಿಂದ ನಿನ್ನ ಮುಖ ಕೆಂಪೇರಿದ್ದನ್ನು ನಾನು ಕೊಠಡಿ ಯ ಕಿಟಕಿಯಿಂದಲೇ ನೋಡಿದ್ದೆ.
ನೀನು ಹೊರಡುವಾಗಲೂ ನಾನು ಹೊರಗೆ ಬರಲೇ ಇಲ್ಲ .
ಮತ್ತೆ ನಿನ್ನ ಕಾಣುವ ಅವಕಾಶ ಕ್ಕಾಗಿ ಕಾದಿದ್ದವಳಿಗೆ ಎರಡು ದಿನದ ನಂತರ ನನ್ನ ಹುಟ್ಟು ಹಬ್ಬ ನೆನಪಿಗೆ ಬಂತು .
ಈಗಲೂ ನಿನ್ನ ಬಗ್ಗೆ ಅಣ್ಣನಿಗೆ ಹೇಳಲಿಲ್ಲ ಎಂದರೆ ಮತ್ತೆ ನಾವು ಸಿಗುವುದು ಕಷ್ಟ ವಾಗಿತ್ತು . ಅದಕ್ಕಾಗಿ ಅವನಿಗೆ ನಿನ್ನ ಬಗ್ಗೆ ಹೇಳಿದ್ದೇನೆ .
ಅಂದು phone ಮಾಡಿದಾಗಲೂ ನೀನು ನನ್ನ ಮೇಲಿನ ಕೋಪದಿಂದ ಸರಿಯಾಗಿ ಮಾತು ಆಡಿರಲಿಲ್ಲ .
ಅದಕ್ಕಾಗಿ ನಾನು ನಿನ್ನ ಕ್ಷಮೆ ಕೇಳುವೆ ಗೆಳೆಯ . ಸತಾಯಿಸದೇ ಬಂದು ಬಿಡೋ .
ನಿನ್ನ ಇರುವಿಕೆಯನ್ನು ಈ ನನ್ನ ಪುಟ್ಟ ಹೃದಯ ಕಾಯುತ್ತಿದೆ ಕಣೊ .
ಮತ್ತೆ ನಿನ್ನ ಕಣ್ಣಲ್ಲಿ ಕಣ್ಣು ಬೆರೆಸಿ ಕ್ಷಮೆ ಯಾಚಿಸ ಬೇಕಿದೆ . ನಿರಾಸೆಗೋಳಿಸುವುದಿಲ್ಲ ಎಂಬ ನಂಬಿಕೆ ನನಗಿದೆ .
ನಿನ್ನ ಬರುವಿಕೆಗಾಗಿ ಕಾಯುತ್ತಿರುವ ನಿನ್ನ
ಸನ್ನಿದಿ .