ઘડપણ

લડખડાતા કદમને નશો ન માનો,

વીતેલી જિંદગીનો હું હિસ્સો છું,

હા....હું....ઘડપણ છું.

શબ્દની સીમા જ્યાં પૂરી થાય,

એ પછીના મૌનનો હું વિસ્તાર છું,

હા....હું....ઘડપણ છું.

તમને શું ખબર પડે આમાં ?

બસ એજ વાક્યનો હું વિરામ છું,

હા....હું....ઘડપણ છું.

આ કરચલીઓનું કાળમીંઢ હોવું,

ઝાંખપ, ખાલીપો, વેદના ને પીડા છું,

હા....હું....ઘડપણ છું.

એકલતાનું અંધારુને મેણાં ટોણાનો મારો,

હવે કદી ન વાગે ઈ બસૂરો પાવો છું,

હા....હું....ઘડપણ છું.

ફળે ન આશીર્વાદ બ્રહ્મા, વિષ્ણુ કે મહેશથી,

પણ હા હું ઈ આશીર્વાદનો દાતા છું,

હા....હું....ઘડપણ છું.