મમ્મી
મમ્મી
એ ધીરે ધીરે ખુદમાં સમેટાતી ગઈ
બધા સામે નોર્મલ રહેતા એ અંદર થી તૂટી ગઈ
બીજાને જિંદગી શું છે એ કેહતા કેહતા
એ અંદરથી રોજ એક મૌત મરતી રહી
સપના ક્યારેય સાચા નથી થતા એ જાણતા છતાં
રોજ એક સપનું જોતી ગઈ
બહુ બધું બોલતા બોલતા એ
વધારે ને વધારે ચૂપ થતી ગઈ
બીજાને ભરોસો અપાવતા અપાવતા
એ ખુદનો ભરોષો ખોતી ગઈ
રોજ જુઠ્ઠું હસતા હસતાં
એ અંદરને અંદર રડતી ગઈ
રોજ થોડું પીગળવામાં એ પથ્થર બનતી ગઈ
એ ફક્ત એની થવામાં ખુદ થી દૂર થતી ગઈ