ગામડું

ગામડું તો ગામડું છે, શહેર સાથે તોલશો ના,

વાત એની થાય તો ના, શહેર માટે તોડશો ના, 

ગામડામાં ગૂંજતી, લીલાશ લોભાવે દિલોને,

કૂજતાં પંખી ચહેકે, શહેર સાટે મોલશો ના,

જંગલો શાને કરો, સિમેન્ટના વિનાશ વેરી,

મુક્ત પવનોની મજાને, શહેર સજવાં રોળશો ના,

જે પ્રદૂષણ શહેરમાં છે, ગામડામાં એ નથી તો,

શુદ્ધ એ વાતાવરણને, શહેર જોઈ ડ્હોળશો ના,

લાગણી ને પ્રેમ કેરી ભાવના ઉદ્દાત્ત સુંદર,

સ્નેહ નિર્મળતા ભરેલો, શહેર ભેગો ચોળશો ના.