શિક્ષક
શિક્ષક
1 min
304
કદી ના હોય સાધારણ જગે શિક્ષક,
કરે ઉપયોગ એ ક્ષણ ક્ષણ જગે શિક્ષક,
રહે છે જિંદગીભર કાર્યરત શિક્ષણ,
ભરે ભણતર તણું આંજણ જગે શિક્ષક,
છે એ તાકાત કે બદલી શકે તાસીર,
સજાવે પ્રેમથી આંગણ, જગે શિક્ષક,
વહે વિદ્યા સરિતા, સર્વદા રગ-રગ,
જગાવે જ્ઞાનનું કામણ, જગે શિક્ષક,
વધે કિંમત જગે, મોતી તણી એથી,
બનાવે એ કરી રક્ષણ, જગે શિક્ષક,
બની હીરા ઝળકતાં, ઝગમગે જગમાં,
તરાશે સત, કરી પ્રેક્ષણ, જગે શિક્ષક,
સરળ ને ઋજુ સ્વભાવે,પણ પ્રભાવી થઈ,
નજાકતથી ધરી લક્ષણ, જગે શિક્ષક.