અભિમાન

જીવન તણો કહે, આટલો છે શોર કાં ?

અણમોલ એવી જિંદગીમાં, ન્હોર કાં ?

હર ચીજને બસ છે પ્રતીક્ષા કાળની,

છે લાલિમા તો આટલો તું ચોર કાં ?

આપે વિધાતા કર્મ મુજબ ભાગ્યમાં,

સત્કર્મમાં તું રાખતો ના દોર કાં ?

દિનકર ઊગે છે લઈ કિરણને સાથમાં,

સૌંદર્ય પાને આટલો કમજોર કાં ?

વિશ્વાસ કર તું જાત પર ખુદની જરા,

તાકાત તારી જાણવામાં તોર કાં ?

અભિમાન તો, રાવણ તણું પણ ના રહ્યું,

સેવી અહં, ને, તું બને ઠાકોર કાં ?

તાસીર જો, ઘટમાળની પાછળ ફરી,

આ ઝાંઝવામાં માન્યતા નક્કોર કાં ?