કરે નમસ્કાર

ટૂકડે ટૂકડે જીવીને દેતાં સુખનો દરિયો અપાર;

હે પિતા તુજ ચરણોમાં મુજ શીશ કરે નમસ્કાર...!

ટાઢ તડકો વેઠીને લીધેલી છાંયડી આપે સંસાર;

હે પિતા તુજ ચરણોમાં મુજ શીશ કરે નમસ્કાર...!

મન ભીતરની વેદના પામીને કરતાં રહે ચમત્કાર;

હે પિતા તુજ ચરણોમાં મુજ શીશ કરે નમસ્કાર...!

હર સમસ્યાનો લાવે ઝટ ઉકેલ ને દેતા સહકાર;

હે પિતા તુજ ચરણોમાં મુજ શીશ કરે નમસ્કાર...!

નીજ સંતાનોને દેતા પાંખ કરાવતા નભો વિહાર;

હે પિતા તુજ ચરણોમાં મુજ શીશ કરે નમસ્કાર...!

માળી બનીને સિંચન કરતાં છોડને વૃક્ષ આકાર;

હે પિતા તુજ ચરણોમાં મુજ શીશ કરે નમસ્કાર...!

'ફાગ' જન્મારો સફળ કર્યો પ્રભુ તણો અવતાર;

હે પિતા તુજ ચરણોમાં મુજ શીશ કરે નમસ્કાર...!