વીત્યો સમય ન આવશે

આજ વરસ વીત્યાનો છેલ્લો દિવસ જીવી લેજો;

વીત્યો સમય ન આવશે ફરી પાછો જોઈ લેજો,

કદીક કડવા ઘૂંટડા ભરી લીધાને ભૂલતા જજો;

મીઠેરી લાગણીઓ સદા વરસાવતા શીખી જજો,

સમયચક્ર નિરંતર ચાલતું રહેતું એને માની લેજો;

ભીતરની વીતેલી યાદો તાજી કરી લઈ સજી લેજો,

મારા તારામાં જીવવાની જડીબુટ્ટી શોધતાં જજો;

સગપણ ભૂતકાળનાં અકબંધ આજીવન કરી જજો,

સ્મરણોમાં વીતેલી સઘળી ઘટમાળ પામી લેજો;

નૂતન વર્ષ આગમન ટાણે વીત્યો સમય ભૂલી જજો.