STORYMIRROR

Jogi Ji

Inspirational

4  

Jogi Ji

Inspirational

વચ્ચે ઊભેલો છું

વચ્ચે ઊભેલો છું

1 min
13.6K


ફૂલગુલાબી શમણાં વચ્ચે ઊભેલો છું,

જીવ-જગતની ભ્રમણાં વચ્ચે ઊભેલો છું.

હા ને નાનું મફલર એવું વીંટાયું છે -

આજે-કાલે-હમણાં વચ્ચે ઊભેલો છું.

તું, હું, તે કે પેલું સાચું? કોને કહેવું ?

જગજૂની વિટમણાં વચ્ચે ઊભેલો છું.

ક્યારે, ક્યાંથી ઊડતું આવી બાંધી લેશે ?

જમરાજાના જમણાં વચ્ચે ઊભેલો છું.

ઊંઘું, જાગું, ચોળું, ચાખું, તથ્યો તાગું?

ઊગમણાં-આથમણાં વચ્ચે ઊભેલો છું.


Rate this content
Log in

Similar gujarati poem from Inspirational