રણકો
રણકો
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
13.3K
સવારમાં બે વાસણ ખખડયાં
એનો રણકો બારીના કાને પડ્યો
સીધો ઉતરી ગયો એના પેટમાં!
બારીને ગૂંગળામણ થવા લાગી
બારીએ રણકો ઓકી દીધો, હવામાં!
વૉમેટમાં ખરડાયેલો રણકો
હવામાં ફરી વળ્યો
ગલી-ગલી
મહોલ્લે-મહોલ્લે
ધૂળ માટીથી ડોહળાતો
છેક ગામ બહાર પહોંચ્યો...
સાંજે બે વાસણ ફરી ભેગા થયા
સમાધાન થયું
ત્યાંજ દરવાજો ખખડયો!
દરવાજે આવી ઉભો હતો
કદરૂપો બારીથી ઓકાયેલો રણકો..