ભરમાઈ ગયો
ભરમાઈ ગયો
1 min
7.5K
પ્રેમમાં તો હું ય સપડાઈ ગયો,
ચોર ના હું તો ય ઝડપાઈ ગયો.
આગ લાગીતી દિલે તું ઠારતી,
ત્યાં જ ઘી થૈ હુંય વેરાઈ ગયો.
ફૂલ આ શાને અહીં તો કેદ છે?
બાગ સમજી હુંય ભરમાઈ ગયો.
એ હતા સુંદર અને પ્યારા છતાં,
અંતરેથી કાગ પરખાઈ ગયો.
આજથી જો હું લખું ના ભૂલથી,
મોતના એંધાણ વર્તાઈ ગયો.
વાઘ આવ્યો છે કહી જે છેતરે,
એક ઉંદરથી જ ગભરાઈ ગયો.
મોતની અફવા જ ફેલાઈ ગઈ,
બાગના ફૂલો જ કરમાઈ ગયો.
મારના તું તીર નજરોના હવે,
કેટલા લોકો જ ભરમાઈ ગયો.