માર્ગ પ્રીતનો

સૂણજો જો સૂણી શકો તો ધબકાર પ્રીતનો;

પાલવ માના ખોળામાં પ્રગટ થયો એ પ્રીતનો,

ખીલેલી કમળોની કૂંપળ પર ઓસની પ્રીતનો;

મુગ્ધ કન્યાના માસૂમ ગુલાબી ગાલોની પ્રીતનો,

ભ્રમણ કરતાં વિહંગ વિહરતા નભની પ્રીતનો;

મુક્ત મન મોજે લગની લાગી ગઈ એ પ્રીતનો,

શ્વેત વસ્ત્ર ધારણ કરતી પવિત્ર નિર્મળ પ્રીતનો;

જોજનો દૂર આશાઓ ધરતી ચક્ષુની પ્રીતનો,

સર્વત્ર આનંદ ભાસે લૂંટી લો ધબકાર પ્રીતનો; 

અંત સમય સુખના જોશો નિત્ય માર્ગ પ્રીતનો.