વિરાટના હિંડોળા
વિરાટના હિંડોળા
વિરાટના હિંડોળા તમને વ્હાલા રે લાલજી,
હૈયાના હિંડોળે બિરાજો રે લોલ.
નભે રમાડો કોટિ તારલીયા સંગ નિત.
મારા ઘર દીવડે પધારો રે લોલ.
રૂડા સજાવ્યા છે ચૌદલોક તમે વ્હાલે,
અમે સજાવીએ ને તમે ઝૂલો રે લોલ.
અમૂલખ ખજાના તમારા રાજ રાજેશ્વર,
તુલસીના પારણે પોઢો રે લોલ.
લાગો રૂપાળા મારા માધવ નટખટિયા,
દેશું માખણ દાન વ્હાલે રે લોલ.
ડાકોરના ઠાકોર રાય રણછોડ વ્હાલા,
ઝીલીએ દર્શન સુખ ન્યાંરાં રે લોલ.