તારી આદત પડી

કડવી હતી, ને નો'તી ગમતી, એવી વાતો એની સાચી પડી;

જ્યાં સમજાવું હ્રદયને હજુ, આંખો ત્યાં ખુદ કાચી પડી!!

અશોકવનમાં એક ઝાડ નીચે વર્ષો નીકળી ગયા જે સીતાના;

રામની એક નજર પડતાં જ, એ સીતા આખીઅે સળગી પડી!!

શરુ થઈ વાત તારી યાદોની, ને ઉલેચી રહ્યો છું મીઠાશ ખુદથી;

લોકને રસ તો એવો પડ્યો, કે રાત આખીએ ઓછી પડી!!

ને સ્મરણની ગલીઓમાં હજુ હમણાં તો ઉતર્યો છું હું;

ત્યાં, જો ને, તારી તો કેટલીએ વાતો ચારેકોરથી દોડી પડી!!

અટકી જાય છે કલમ, જ્યાં હજુય તારું નામ આવે છે;

આંગળીઓના ટેરવાંઓનેય, તારાં સ્પર્શની આદત કેવી પડી!!