રાખડી

બેનીને વ્હાલી રાખડી,

વાટ જુએ એની આંખડી.

આવે ક્યારે રક્ષાબંધન અને,

બાંધે ભાઇલાને એ રાખડી.

બાંધી ભાઈને રાખડી, અને

હરખાતી બહુ બેનડી.

રક્ષા કરવા અને બેનની લાજ,

રાખવા બંધાતો, બેનીનો વીરો.

ભાઈબહેનનાં અતૂટ પ્રેમની,

ઝાંખી કરાવે આ રાખડી.

વીરપસલી આપે વીરો અને,

હરખાઈ જાતી એ બેનડી.

ઓવારણાં લે એ માડીજાયાનાં,

ને દુવા કરે એની લાંબી આયુની.

નાની મોટી કે ભલે હોય સુતરની,

પણ ભાઈને મન તો અનમોલ છે એ રાખડી.