જિંદગી બોલી ઊઠી

આવી જીવનમાં ઘણી કપરી કસોટી,

જીવનનાં ઉતાર ચઢાવ ને સુખદુઃખ પણ

એમાંથી ઉતરી ગઈ હેમખેમ પાર અને

જિંદગી બોલી ઊઠી વાહ ! વાહ !

આપ્યાં ઘણાંબધાં આઘાત કહેવાતાં

પોતાના માણસોએ જ, અને કર્યા દગા,

પણ એ બધું જ જીરવ્યું હસતાં હસતાં

અને જિંદગી બોલી ઊઠી વાહ ! વાહ !

નહોતો કોઈનો આધાર કે ના કોઈનો સહારો,

પણ હિંમત હાર્યા વગર પહોંચી મારા મુકામ પર

અને મેળવી સફળતા અને જિંદગી બોલી ઊઠી વાહ ! વાહ !

સહેલું નથી એટલું જિંદગી સામે લડવું,

એકલા હાથે ઝઝૂમવું અને મેળવવી જીત, છતાંય મેળવી સફળતાની ખુશી,

અને જિંદગી બોલી ઊઠી વાહ ! વાહ !