એક તો વૃક્ષ વાવ

બીજ તણું એક તણખલું થઈને;

વટવૃક્ષ બની છાંયડો આપશે તને,

એટલે કહું છું માનવ,એક તો વૃક્ષ વાવ...

એક બીજમાંથી બે પાન થશે;

બે થી પાંચ થશે,ને થશે અનેક ડાળખી,

ત્યારે થશે તારા શ્વાસોશ્વાસના સાથી,

એટલે કહું છું માનવ,એક તો વૃક્ષ વાવ...

વટવૃક્ષ બની વનનો એક પરિવાર બનાવશે;

જે તારા પરિવારને શ્વાસ પૂરો પાડશે,

 એટલે કહું છું માનવ એક તો વૃક્ષ વાવ...

છે શૃંગાર વૃક્ષ પ્રકૃતિનો;

સાથે છે શૃંગાર માનવ તારા શ્વાસનો,

એટલે કહું છું માનવ એક તો વૃક્ષ વાવ....

સૂકાયેલું પાન કહે, મારે છે જીવવું;

શ્વાસની અછતથી કોરોનામાં,

આપણે કહેતા, મારે છે બચવું,

એટલે કહું છું માનવ એક તો વૃક્ષ વાવ...

જેમ બાળક વિના માઁ છે અધૂરી;

એમ 'ધરા' છે વૃક્ષ વગર વિહોણી,

એટલે કહું છું માનવ એક તો વૃક્ષ વાવ.