માંગુ છું

સંબંધોની ઝોળીમાં થોડો હું પ્રેમ નાખવા માંગુ છું;

ઝાઝું નહીં પણ થોડું હું કહેવા માંગુ છું,

ટૂંકા રસ્તા કરતાં સત્યનાં રસ્તે ચાલવા માંગુ છું;

પરીક્ષાની સાથે નિષ્ફળતાને માણવા માંગુ છું,

લક્ષ્યને નિર્ધાર કરીને પ્રમાણિકતાથી રહેવા માંગું છું;

એકલા નહીં સૌને સાથે લઈ સફળ થવા માંગુ છું,

છૂપાયેલા સપનાને આંખોની સામે લાવવાં માંગુ છું;

છે જીવન ટૂંકું, પણ જીવંત રહેવા માંગુ છું,

છે નાનકડું આયખું મારું, નદી બની વહેવા માંગુ છું;

ધરા કેરા નામને ભૂલી જાતને શોધવા માંગુ છું.