હવે વરસને
હવે વરસને
કરી જગ્યા હવે વરસાદ તું વરસને;
થઈ ધરા ગરમ, તો લાગી વૃક્ષોને તરસ,
મેહુલિયો બની તરસને છીપાવને.
બળતણ, ચૂલો, છાણા;
સાથે વાટ જોઈ લીધા કપડાં ભીના,
હવે મેવલિયા તું આવને.
ખેડુત, મોર, વૃક્ષો જુએ તારી વાટ;
ક્યારે થશે હવે મેઘનો નાદ,
બની મેહ નાદને ગુંજવને.
કૂવો, નદી-નાળા થયા ખાલી;
એંધાણ જોઈ બાળકો આપે તાળી,
હવે પર્જન્ય તું વરસને.
જોઈ બલાહકને નીકળ્યાં બાળકો ન્હાવા;
પછી મળે છે,ગરમ ભજીયાનાં લ્હાવા,
ફરી અનહદ વૃષ્ટિ કરી આનંદને વધારને.
વરસાદની બુંદનો કરી અહેસાસ;
નાચે બાગમાં મોર થનગનાટ,
વર્ષા તું પણ વરસીને નાચને.