એ પિતાને કેમ ભૂલાય
એ પિતાને કેમ ભૂલાય
આંગળી પકડી કરાવી નિશાળની પરખ;
ભૂલ હોવા છતાં, ન આપે સજા નરમ,
એ પિતાને કેમ ભૂલાય...
વાર્તા સંભળાવે ને આવે નિંદ્રા
પિતૃહૃદયને મારી સમક્ષ રાખી ન કરે પંડની ચિંતા,
એ પિતાને કેમ ભૂલાય...
સકારાત્મકતાનો શ્વાસ પૂરી મારી બીકને ભગાડે;
ગુણોની ઓળખ કરાવી મનનાં વિકાસને વધારે,
એ પિતાને કેમ ભૂલાય...
કાળજાનો કટકો માની મને હૃદયમાં સમાવી;
ભાનરડાઓમાં સૌથી વધુ હૃદયસરસી મને ચાંપી,
એ પિતાને કેમ ભૂલાય...
ન રહી હયાતી પિતાની આ જીવનમાં;
છે હયાત આજે પણ 'ધરા'ના હૃદયમાં,
એ પિતાને કેમ ભૂલાય.