કંડારતા રહેજો...

ડૂબી છું મઝધારે તરતાં શીખવતાં જજો;

જીવનમાં વ્હારે તમે વારંવાર આવતાં રહેજો !

ચીલો ચાલુ છે મનુષ્યમાં સીધા પ્રવાહનો;

ક્યારેક નદી બની વળાંક...તમે વાળતાં રહેજો !

તમારા મનને મનાવતાં સમજાવતાં;

બીજાનાં સ્વભાવને સ્વીકારતાં રહેજો !

રંગો છે જીવનમાં ઘણાં બધાં;

પ્રેમરૂપી રંગ સંબંધમાં ચીતરતાં રહેજો !

ભૌતિકતાથી મળે છે સુખ ઘડીકનું;

મનમાં આનંદ અનુભવી સુખને માણતાં રહેજો !

મન થાય છે બગલાને તરતાં જોઈ તરવું;

તમે અંત: અનુભૂતિના શબ્દો તરાવતાં રહેજો !

નથી મળતો આનંદ યાંત્રિક શબ્દોમાં;

ક્યારેક હસ્તલીખિત તમે લખતાં રહેજો !

અહીં થાય છે શબ્દો રૂપી શણગાર;

ક્યારેક ભાવને કલમથી કંડારતા રહેજો !