કેમ ભૂલાય ?
કેમ ભૂલાય ?
જન્મ આપી ન દર્શાવ્યો ઉપકારનો ભાર,
એ જન્મદાતાને કેમ ભૂલીએ ?
અસ્થિર જગતમાં કોઈ પણ ભોગે કરી,
મારી દરેક ઈચ્છા પુરી
એ માવતરને કેમ ભૂલીએ ?
મારી કાલી-ઘેલી બોલી,
બની એમના ચહેરાનું ચમકતું મોતી,
એ માતા પિતાને કેમ ભૂલીએ ?
આજે જોવ છું દુનિયા આખી,
ભોગવું છું સુવિધા સારી,
કર્યું પાલન મોં હસતું રાખી
એ ઋણને કેમેય ચૂકવીએ ?
પેટે પાટા બાંધી ભણાવી,
એક ઓળખાણ એમણે અપાવી,
એ બા-બાપુજીને કેમ ભૂલીએ ?