આઝાદી અમર રહે

ચારેબાજુ ચાલુ હતા અત્યાચાર અંગ્રેજ તણા

એમાંથી મેળવવા મુક્તિ થયાં આંદોલન ઘણાં

મળી આઝાદી મોંઘેરી, એ આઝાદી અમર રહે !

અનેક શહીદવીરો એ આપ્યાં છે બલિદાન

ગુલામીમાંથી મુક્તિ મેળવવા કર્યા અનશન

મળી આઝાદી મોંઘેરી, એ આઝાદી અમર રહે !

હતી જ્યાં જિંદગી જીવવી ખૂબ કપરી

છતાં આઝાદી માટે હિંમત હતી ઝાઝેરી

મળી આઝાદી મોંઘેરી, એ આઝાદી અમર રહે !

અંગ્રેજોના રાજમાં લાવ્યા મહા આંધી

એ તો ભારતના રાષ્ટ્રપિતા મહાત્મા ગાંધી

મળી આઝાદી મોંઘેરી, એ આઝાદી અમર રહે !

લોહીની જ્યારે વહી હતી ધરતી પર ધારા

આઝાદી માટે લગાવ્યા હતા સૌએ નારા

 મળી આઝાદી મોંઘેરી, એ આઝાદી અમર રહે !