વહેલી સવારે

વહેલી સવારે 

દૂરથી સાંભળેલ

કોઈ અજાણ પંખીના 

કર્ણપ્રિય કલરવને 

તરત જ 

પ્રત્યુત્તર પાઠવે

બિલકુલ પોતીકા સ્વરે

બીજું પંખી..

અને 

વિવિધ કલરવોથી

ભરાઈ જાય 

ગગન- મંડપ 

ખિલખિલ ખીલી ઊઠે 

પુષ્પો !

પવન પરિમલમાં પલટાઈ જાય પળવિપળમાં !

વૄક્ષો હાથ લંબાવી પસવારે પ્રભાત;

એક પગે પર્ણોની લિપિ આલેખી નૄત્યમાં લીન થઈ જાણે 

પ્રાકૄતિક લય-હિલ્લોળમાં !

જ્યારે 

સાંસ્કૄતિક પરિવેશ પહેરેલ

આપણે ?