એવું પણ ક્યાં જાણતાં
એવું પણ ક્યાં જાણતાં
1 min
6.1K
ચાકડે કોણે ચઢાવ્યાં એવું પણ ક્યાં જાણતાં,
કાચેકાચાં કાં ઉતાર્યાં એવું પણ ક્યાં જાણતાં ?
મીન માફક આયખું જળમાં વીતે છે તે છતાં
કેમ જળ શીતળ ન લાગ્યાં એવું પણ ક્યાં જાણતાં !
આગ ઓઢી ઊડવાં પાંખો મળેલી જેમને,
ઉડ્ડયન એને અજાણ્યાં, એવું પણ ક્યાં જાણતાં ?!
યંત્રવત્ ઘોંઘાટમાં ઊંઘી જવું સ્હેલું પડ્યું,
ઊંઘતાં શાને ઉઠાડ્યાં એવું પણ ક્યાં જાણતાં ?
કંઈ દિશાથી ઇચ્છાધારી સ્વપ્ન આવે, શી ખબર ?
બારણાં-બારી ન વાખ્યાં એવું પણ ક્યાં જાણતાં ?