આવ્યો રૂડો તહેવાર

શિક્ષકોનો આજે આવ્યો રૂડો તહેવાર

દૂર કરતા જેઓ જગનો અંધકાર...

હું પણ બનીશ આજે માસ્તર

નહીં કોઈ પુસ્તક ને દફતર

સખીઓ પણ કહેશે મને ટીચર

જાઓ ચાલો જઈને બેસો ભીતર,

આવે છે મને ભૈ વિચાર હજાર

શિક્ષકોનો આજે આવ્યો રૂડો તહેવાર...

મનગમતો હું તો વિષય ભણાવું

આંકડાઓના દાખલા ગણાવું

સંખ્યાઓની રમત રમાડું

ગણિતનો આજે હું ભાર ઉતારૂ,

એકડા બગડાનો જુઓ વ્યવહાર

શિક્ષકોનો આજે આવ્યો રૂડો તહેવાર...

આજે સમજાઈ મને વ્યથા તમારી

ચૂપ બેસાડવામાંજ હું થાકીને હારી

ભૂલ હવેથી અમો લઈએ સુધારી

થેંક યુ ટીચર ફોર સહનશક્તિ તમારી.

અમે કરીએ છે વંદન સૌ વારંવાર

શિક્ષકોનો આજે આવ્યો રૂડો તહેવાર.