માણસ કેવી એની માણસાઈ બતાવે !

પોતાના અવગુણ ના જોવે ને

બીજાનામાં અવગુણ શોધ્યા કરે

માણસ કેવી એની માણસાઈ બતાવે !

પોતે તો જાણે દરેક કલામાં પારંગત એમ

બીજાનામાં ખામી નીકાળ્યાં કરે

માણસ કેવી એની માણસાઈ બતાવે !

પોતાની દીકરીને માટે એ નહીં કરી શકે

એને નહીં ફાવે

અને વહુ ને તો તારી મમ્મીએ શું શીખવાડ્યું

માણસ કેવી એની માણસાઈ બતાવે !

પોતાના વખાણથી ઉભરાઈ જાય ને

બીજાના વખાણ સાંભળી જ ના શકે !

માણસ કેવી એની માણસાઈ બતાવે !

પોતે હોંશિયાર ને બીજાને કાંઈ આવડતું જ નથી

એમ આંગળી ચીંધ્યા કરે

માણસ કેવી એની માણસાઈ બતાવે !

સંબંધ બાંધવા મીઠાં મીઠાં બોલ બોલે

ને પછી અમે તો ક્યાં એવું કહ્યું જ હતું

એમ કહી

માણસ કેવી એની માણસાઈ બતાવે !

પોતે કાંઈ કર્યું નહીં જીવનમાં અને 

બીજાને સલાહ આપવા તૈયાર થઈ જાય

માણસ કેવી એની માણસાઈ બતાવે !

દરેક કામ કોઈ સ્વાર્થથી કરે ને

અને આતો તમને આપણા ગણું એટલે એમ કહે 

માણસ કેવી એની માણસાઈ બતાવે છે !

કામ કરાવવા મીઠું મીઠું બોલે ને

આપણા કામે ક્યાં નજર જ ના આવે

માણસ કેવી એની માણસાઈ બતાવે !

પોતાની સફળતાની ચર્ચા ચારેકોર કરાવે

અને બીજાની સફળતા જોઈ ના જાય

માણસ કેવી એની માણસાઈ બતાવે !