જિંદગીની ઉત્તરાયણ
જિંદગીની ઉત્તરાયણ
ઉત્તરાયણ આવી રહી છે,
એકબીજાની નિંદાની પતંગો ચગશે,
હા માં હા મિલાવવાની ફીરકી પકડાશે,
પોતાને મોટું અને બીજાને નીચું બતાવાની ટસર થાશે,
આમાં કોઈ કોઈની મજાકની પતંગ કાપશે
એની ખુશીની બૂમો પાડવામાં આવશે,
હકીકતની વાત પર ઢીલ છોડવામાં આવશે
અફવાઓની પતંગ ને છાશ પીવડાવવામાં આવશે,
ખોટા દેખાવ માટે દાન કરવામાં આવશે
પોતાના અસલી સ્વરૂપને ગુપ્ત રાખવામાં આવશે,
સાચી વાતની પતંગ પર કાણા પાડી
ખોટી વાતની કિન્નાર બાંધવામાં આવશે.