જવાબદારી
જવાબદારી
ભલે બનાવી ઈશ્વરે ફાની દુનિયામાં નારી
તો શું એના પર બધી જ જવાબદારી ?
પુત્રી જન્મથી જ મોં મચકાડતો આ સમાજ
કેમ નારી વિના નથી થતા પુરણ કામકાજ ?
હર રીત પરંપરામાં અટવાતી નાર નિત્ય,
બંધનમાં રાખવાનો પુરુષ શોખ એજ છે સત્ય.
હોય મૂલ્ય સમાન બન્નેનું સંસાર સાગરે
તોય બેવડી જવાબદારી લઈ આ નાર ફરે.
પ્રગટ થતી ઈચ્છા ત્યાજ દબાવી દેવાય
બળતા અંતકરણની વાત કોને કહેવાય ?
ઘરવખરી સંભાળતી નારી ઓફિસેય જતી.
અસંખ્ય વિચારોની ધારા સતત વહેતી.
તોય થાક્યા વિના ધગશથી ઊભી રહેતી,
દરેક સંબધોમાં નિજ અમીટ છાપ છોડતી.
નારીની વ્યથા કથા નાર જ જાણે રે
તેની મમતાની છાયામાં સમગ્ર સૃષ્ટિ તરે.