નથી જાણતો
નથી જાણતો
સાચું શું અને ખોટું શું એ હું નથી જાણતો,
ભેદ એમનો કરવો કેમ એ હું નથી જાણતો,
વણથંભ્યો જીવ્યા કરું છું હું આ જિંદગીને,
આ જિંદગીનું લક્ષ્ય શું એ હું નથી જાણતો,
કોઈ માંગે મારી પાસે તો પ્રેમથી આપી દઉં છું,
બદલામાં મારે શું માંગવું એ હું નથી જાણતો,
ગળે મળી લઉં છું જ્યારે કોઇપણ ભેળું થાય,
પારકું કોણ પોતીકું કોણ એ હું નથી જાણતો,
મારા દરેક દિવસને હું ઝીંદાદીલ બનાવું છું,
મરતા મરતા કેમ જીવવું એ હું નથી જાણતો.