धन्यवाद करोना
धन्यवाद करोना
हत्ती गेला शेपूट राहिले
नको नको ते करोनामुळे पाहिले
घरात राहूनही या जगाने
भीतीचे ओझे मानगुटीवर वाहीले
करोना किती दिलदार बघा
सोडले नाहीच कोणाला
बाई बाप्या जनावरेही
विसरले नाहीत मास्कला
सोशल डिस्टन्स ची किमया न्यारी
घाबरून गेली जनता सारी
हात जोडून राम राम करता
गळाभेटीला मुकली सारी
वारी चुकली जत्रा हुकली
ऊरूसही पडले बंद
गाभाऱ्यातील देवही झाले
भिंतीआड जेरबंद
दिवसामागून वारे फिरले
चेहऱ्यावरले हासु विरले
चटका लावत जिवलगांचे
आयुष्यही अवचित सरले