तोरण

 शुभ शकुनांची नांदी
 दारी तोरण सजवा
 सकारात्मक भावानं
 टाळ मृदुंग वाजवा ||१||

 फुला पानांचे तोरण
 शोभे चौकटीस खास
 प्रफुल्लित लक्ष्मी माता
 घरी सदा तिचा वास || २||

 सदाबहार तोरण
 स्वागतास सज्ज असे
एक अनोखा उत्साह
 प्रत्येकाच्या मनी ठसे ||३||

 वाढे वैभव सणांचे
 ऊर्जा मंगल सात्विक
 लक्ष दिव्यांचे तोरण
 शुभ शक्तीचे प्रतीक ||४||

 तोरणांची सजावट
 मना तृप्ती देत असे
 कृतकृत्याचा कलश
 सुख शांती तेथे वसे ||५||