तडजोड

पप्पू, अभ्यासाला बसला

अभ्यास करता करता त्याला एक शब्द अडला

म्हणून तो आईजवळ आला आणि विचारु लागला

आई, “तडजोड” म्हणजे काय गं ?

आई ने दीर्घ श्वास घेतला आणि म्हणाली,

आपल्याला आवडत असूनही

दुस-याला आवडत नाही

म्हणून एखादी गोष्ट करायची नाही.

आणि एखादी गोष्ट

आपल्याला आवडत नाही,

पण दुस-याला आवडते ती गोष्ट करायची

दुस-यांच्या समाधानासाठी....

एवढेच....मग असं सांग की ,

मनाविरुध्द वागायचं दुस-याच्या समाधानासाठी

ते तर रोजच पाहतो रोजच अनुभवतो ,

तुझ्या वागण्या-बोलण्यातून

तीच ... तडजोड ना

पप्पूचं सारं कथन आई ऐकते आणि अंतर्मुख होते ,

आणि आठवत राहते

आजवर केलेली तडजोड....