लाइब्रेरी
प्रोफाइल
सोनपाखर नाचती
सोनपाखर नाचती
1 min
42.3K
चंदेरी शालू नेसून
एक चांदणी हसली
तेव्हा माझ्या रातीला ती
परीसारखी दिसली
रानानेही केला साजरा
सोहळा तिला पाहण्याचा
चंद्रालाही एकच ध्यास
तिच्या मनात राहण्याचा
फिदा झाले रानही
चांदणीच्या रुपावरती
काळोखाच्या पऱ्यासुद्धा
अंधाराची घागर भरती
जाग्या होऊन चांदण्या
पहाटेची फुलं वेचती
धुक्याच्या तालावरती
सोनपाखरं नाचती
