कविता -"सत्यधर्माची वाट"

जळणारांनो जळत रहा

फुलून फुलून जळत रहा

कोळशा सारखं----------।।धृ।।

जळून जळून कोळशाची

होईल बघा राख

मदतीसाठी आम्हालाच

मारावी लागेल हाक  ----।।१।।

जळणारांनो कोळशा सम

काळोख तुमच्या जीवन वाटेवर

कधीच तुम्हाला यश नाही

सत्यधर्माच्या वाटेवर-----।।२।।

आम्ही जळतोय

दिव्याच्या वातीसारखं

रक्तरूपी तेल जाळून

जळतोय प्रकाशासारखं --।।३।।

जळून जळून होणार नाही

आमची तुजसम राख

मदतीसाठी कधीच तुम्हाला

मारावी लागणार नाही हाक-।।४।।

आमच्या दिव्य,शुभ्र प्रकाशात

डोळ्यासमोर आम्हाला दिसेल 

सत्य धर्माची वाट----------।।५।।