मी एक नारी

मी एक नारी

जन्मापासूनच स्त्रीत्वामुळे

विखारी चटके 

नव्हे

सर्वांगी डागण्या

सोसत आलेली

माझ्यामुळेच आईच्या

मातृत्वावरही ही

कुटुंब निराशेचे आघात

त्यातूनही कशीबशी

आईच्या 

नरक यातनेतून

घेऊन जन्मास आले

धरेवर

तर इथे मरणासन्न

कपाळी आट्या अन

तिरस्कारी चेहरे

आता कुठे चार पाच

वर्ष पूर्ण होते न होते

तोवर

मादीरूपी या माझ्या देही

वासनांध नजरा 

जाळी विणायला

करतात सुरू

त्यात आप्त बाहेरचे नातलग

कोणीही आपल्या

वासना पुर्ती साठी

करीत राहतो अत्याचार

या कोवळ्या नाजूक

अन न उमललेल्या

कळीवर

जसजशी होते मोठी

तसतशा कलंकाच्या

मोहरा गडद होत जातात

माणसातील पशु जागे होऊन

या देहाचे वासनांधतेने

लचके तोडत राहतात

अशा कलंकित देहास

कोण आता स्वीकारणार?

मग आपसूकच 

पाय देहविक्री कडे

वळतात

पोटाची खळगी 

भरण्याकरिता

तोच एक शेवटचा

मार्ग दिसतो

नाही तर

आत्महत्या ने

शेवटचा अंक संपतो

माझ्या या अंतास

कारण झालेल्यांना ही

आई होती

त्यानेही मादीच्याच 

पोटी जन्म घेतलेला

तरी ही 

मादी रुपी देहास

कलंकित करून

अंतास कारण

ठरलेल्या

मदमस्त नरास

याची का नाही 

उरलेली जाण??

मी पुन्हा

जन्म घेईन

मादी म्हणूनच

दोन हात करील

या ढोंगी समाजाशी

शरीराने असेन मादी

पण नरासमान राहीन

बुरखा पांघरलेला

पापी दुष्ट नराधमांना

आई, बहीण यांच्याशी

कसे वागावे

याचा चांगलाच

धडा देईन

अन

पुढील जन्मी ही

नारी म्हणूनच जन्म घेईन