महापुरूष

मी एक महापुरूष 

वैचारीक क्रांती करून 

इतिहास जमा झालेला.

कुणालाही न समजलेला ...!!!

माझंच आज भांडवल 

माझे समर्थक करून

माझं राजकारण झालेला

कुणालाही न समजलेला...!!!

कोट्यावधी रूपयांचा निधी

पुतळ्यासाठी खर्च करून

माझेच विचार पुरलेला

कुणालाही न समजलेला...!!!

सुविचारी म्हणून सर्वांनीच

स्वहीतासाठी बोलबाला करून

अगदी डोक्यावर घेतलेला

कुणालाही न समजलेला...!!!

ज्ञानकक्षा रुंदावत मौलिक 

मूल्यांची हेटाळणी करून

गप्प निवांत बसलेला

कुणालाही न समजलेला...!!!

जनसामान्यांच्या ह्रदयात राहूनही

आजच्या स्वार्थी युगात फक्त 

 पुतळ्यात नामशेष झालेला

कुणालाही न समजलेला...!!!