प्रेम असंच असतं का?
प्रेम असंच असतं का?
कुणीतरी सांगा आता
प्रेम असंच असतं का?
कितीही जपलं तरी
मन असंच फसतं का? ||0||
वेडावून जातात आता
निसर्गाच्या दिशा दाही
तिच्याशिवाय काय सांगू
सुचत नाही मला काही
आपलं असलं तरीही
मन आपलं नसतं का?
कितीही जपलं तरी
मन असंच फसतं का? ||1||
अनपेक्षित घडतं सारं
थांग पत्ता लागत नाही
मन ही शहाण्यासारखं
आता मुळीच वागत नाही
विरहाच्या भीतीपोटी
मन असंच धसतं का?
कितीही जपलं तरी
मन असंच फसतं का? ||2||
काहीतरी होतंय हे
घडल्यावर कळतं मग
तिच्याशिवाय कसं सांगू
सुनं सुनं वाटतं जग
मनही मग अशा वेळी
कंबर अशीच कसतं का?
कितीही जपलं तरी
मन असंच फसतं का? ||3||
विनाकारण चेहऱ्यावर
अधून मधून स्माईल दिसते
चारचौघात बऱ्याचदा
वेगळीच आपली स्टाईल दिसते
प्रेमात वेडं झालेलं
मन असंच हसतं का?
कितीही जपलं तरी
मन असंच फसतं का? ||4||
हृदय आपलं तिचंच आता
घर झालेलं असतं
सारं चित्र निसर्गातलं
धूसर झालेलं असतं
हृदयात आपल्या कोणाचं
प्रेम असंच वसतं का?
कितीही जपलं तरी
मन असंच फसतं का? ||5||