संशयाचं जाळं

मनात संशयाचं 

जाळं थाटू देऊ नकोस 

विश्वास ठेव माझ्यावर 

शंका वाटू देऊ नकोस || 0 ||

फसवणार नाही कधी

इतकी गाठ बांध मनाशी 

तुलना कधीच करू नको 

कपटी फसव्या या जगाशी 

अविश्वासाचं शिखर 

कधी गाठू देऊ नकोस 

विश्वास ठेव माझ्यावर 

शंका वाटू देऊ नकोस || 1 ||

मान्य आहे जगात 

विश्वासाला जातात तडे 

रोज प्रेमात शिकतात 

खरे प्रेमी नवे धडे 

धुकं संशयाचं 

मुळीच दाटू देऊ नकोस 

विश्वास ठेव माझ्यावर 

शंका वाटू देऊ नकोस || 2 ||