हात तुझा

असावा नेहमी तुझा हात माझ्या हाती ।

असेल हीच इच्छा माझी प्रत्येक क्षणी ।।

  वेळोवेळी मिळावा तुझा सहवास सदा ।

  दूर न व्हावं हे जीवन तुझ्यापासून कदा ।।

हातावरती रंगावी मेहंदी तुझ्या प्रेमाची ।

आठवण व्हावी नेहमी व्यतीत केलेल्या क्षणांची ।।

  नाते आपले दोघांचे कधीच तुटता न तुटे ।

  कितीही आली जर का जीवनी ही संकटे ।।

हात तुझा माझ्या हाती असाच नेहमी राहूदे ।

आपले जीवन प्रेमळ नात्याने असेच फुलूदे ।।