पर्यावरण वाचवा

उन्हाळा पावसाळा अनं हिवाळा आहे सृष्टीचं चक्र ।

बदलून गेलं आहे सार पर्यावरणाच हे चित्र ।।

  कारणीभूत आहे याला मानवी हिंसक वृत्ती ।

  बदलून टाकली माणसानं माझी सुंदर ही पृथ्वी ।।

वृक्षतोड करून याने सारी जंगले केली साफ ।

सांगशील का रे माणसा कुठं फेडशील हे पाप ।।

  असाच वागत राहिलास तर सृष्टी नष्ट करशील ।

  गरमी अनं प्रदूषणाच्या ओझ्याखाली मरशील ।।

पर्यावरण वाचव तुझा जीवही वाचेल ।

पृथ्वीवरती साऱ्या सुख समृद्धी ही नांदेल ।।