कसं करू रे तुझ्याशी लग्न ?

तुला ना नोकरी, ना रोजगार ,ना घर- दार ...

तुझंही ठरलेलंच सारं काही ..पक्क .

पाठीवर जसं विंचवाच बि-हाड  

विघ्नच - विघ्नं कसं करू रे तुझ्याशी लग्न ?  

तू वसवतोस फक्त स्वप्नांचाच गाव 

कृतीशिवाय स्वप्नाना अर्थच नसतो ना यार 

सांगावं समजून तुला तर तेही पटत नाही तुला 

तू स्वप्नवेडा,,, कसं करू रे तुझ्याशी लग्न ?

तू तुझ्या जगताच हरवलेला असतोस 

वास्तवाचे तुला न उरले भान...

सोप्प नसत रे जीवन तुला जितकं वाटतं

आई- बाबाचा नकार कसं करू रे तुझ्याशी लग्न ?

माझा विश्वास आहे रे तुझ्यावर पण...

प्रेमासाठी मी नाही देऊ शकत बळी त्यांचा  

ना करू शकते आईबाबाचा विश्वासघात ,    

मी हताश झाले रे..कसं करू रे तुझ्याशी लग्न ?  

खूप वाटतं रे .. धावत येऊन मिठीत तुझ्या विसावं

धुमसून-धुमसून रडावं , होऊन जावं तुझं कायमचंच ...

स्त्री म्हणजे गुलामच, तिच्या मनाचा विचार कोण करणार

कुठल्याही खाटकाच्या दारात बांधलं तिथं जावं गप्पगुमान ...