खोटं कशाला बोलू ?
खोटं कशाला बोलू ?
खोटं कशाला बोलू ?
आपलं कसं खुल्लम खुल्ला
कुणाच्या बा ला आपुन भीत नाय
गल्लीपासून दिल्ली पर्यंत वट हाय
खोटं कशाला बोलू ?
खोट्याशिवाय मेवा मिळत नाय
इमानदारीला केंव्हाच गुड बाय
इथून तिथून सर्वच तसेच हाय
खोटं कशाला बोलू ?
इमानदारीन कुठे पोट भरतं
जनरागत राबून कुठं काय उरत ?
राजा हरिश्चन्द्रचा बुरखा घालत नाय
खोटं कशाला बोलू ?
सत्यमेव जयते तुम्ही खुशाल म्हणा
चांद्यापासून बांद्यापर्यंत ठोसर भिकारी
शेतकरी ,कामगार उपाशी पोटी कर्जात मेला
खोटं कशाला बोलू ?
जनता बिचारी अडली गाय नी काटे खाय
खऱ्याच खोटं , लबाडाचं तोंड मोठं
बेंबीच्या देठापासून ओरडा फक्त धन्यवाद
खोटं कशाला बोलू ?
आले बघा अच्छे दिन ,झालोच विश्व् गुरू
खर खोटं देशभक्ती त्यांच्याच नजरेतून
शेठच्या इशाऱ्यावर फक्त नाचत रहा
खोटं कशाला बोलू ?
चमत्काराशिवाय नमस्कार नाय मित्रा
महागाई बेकारी महामारी कुपोषण ...
काय देणं घेणं ? हिशोब आपला न्यारा
खोटं कशाला बोलू ?
कुणी कुणाचं नसत रे
काहीही सोबत येत नाय
कोण मेले कोणासाठी ?
खोटं कशाला बोलू ?
अरे वाहती गंगा घ्या हाथ धुवून
भाड मे जाये जनता काम अपना बनता
अफलातून असे काही जगा न भूतो न भविष्यती