Library
Profile
तुम्हीच सांगा कसा मी ?
तुम्हीच सांगा कसा मी ?
1 min
28
कधी वाटते मानमर्जीचा मीच राजा
कधी असहाय निराधार प्रजा मी
मज वाटते असा मी तसा मी
तुम्हीच सांगा कसा मी ?
मी गड्यानो स्वयंभू हरहुन्नरी
मी दीड दमडीचा शिक्काही
मज वाटते असा मी तसा मी
तुम्हीच सांगा कसा मी ?
मी कोण अन जगतो कशासाठी ?
का मागतो लाचार जगण्याची भीक ही ?
मज वाटते असा मी तसा मी
तुम्हीच सांगा कसा मी ?
मायेची छत्रछाया हरवली
प्रेमाची माणसं दुरावली
मज वाटते असा मी तसा मी
तुम्हीच सांगा कसा मी ?
क्षणात सारं होत्याच नव्हतं झालं
सारं कसं मी धुळीस मिळवलं ?
मज वाटते असा मी तसा मी
तुम्हीच सांगा कसा मी ?
निरकूंश जगत राहिलो वाट्टेल तसा
खात्री पटली मी तर भित्रा ससा
मज वाटते असा मी तसा मी
तुम्हीच सांगा कसा मी ?
मी न सच्चा माणूस झालो
आदर्श पिता न पती ,मुलगा
मज वाटते असा मी तसा मी
तुम्हीच सांगा कसा मी ?
