पलायन

आणि शेवटी आज 

मी पलायन केलं..

"जातीनं बरबटलेल्या मातीतून,

माजलेल्या असहिष्णु धर्मातुन,

गंजलेल्या नर सत्ताकतेतून,

धर्मलेल्या-कर्मकांडातून,

सुजलेल्या भांडवल शाहीतून,

हिन्दू...

मुस्लिम...

शीख...

ईसाई...

हर एका बंदिस्त वर्गातून,

भगवा...

हिरवा...

निळा...

पिवळा...

घोंगवणाऱ्या या पताकांच्या

अधर्मप्रणित वादळातून,

राजकारणातील गुंडांच्या

झुंडशाहीतून,

सत्तेच्या धुंदशाहीतून,

बाबा भटांच्या वासाडलेल्या

स्त्रिभोग प्रवृत्तितुन,

.

.

.

.

हुंकारलेल्या

मनुवादाच्या पारायनातून...."

आणि.....

"संविधान पोटाशी धरलं...!"

साचेबद्ध जगण्याच्या

उसण्या कुबड्या 

बाजूला फेकल्या..

"तेव्हाच मी माणूस झालो..!"

विरक्त...मी....

विमुक्त..मी....

विद्रोही ..मी...