बुद्धिजीवी...!
बुद्धिजीवी...!
बुद्धिबळाचा पट पाहुनी
बुद्धीची महती डोकावली
बऱ्याच अनुत्तरित प्रश्नांची
उत्तरं मला सापडली
शेळ्या मेंढयांचं जीण
बळी जाण्यासाठीच असत
जणू पटावरच्या प्याद्यांचं
नशिब वाट्याला आल्याचं दिसत
हत्ती घोडे उंट वजीर
राजा भोवती सारे हाजीर
मरणाचे भय प्याद्याच्या माथी
हे दिमाखात चालतात मंद गती
विजयाचे श्रेय ललाटी
घेऊन मिरवतात सारे पटावर
पटापटा प्यादी मरतात त्यांच्यासाठी
जणू जीणे यांच्या बलीदानावर
जीवनातही असेच घडते
कार्यकर्ते जातात फासावर
जसे शेळी जाते जीवानिशी
खाणारा म्हणती जिला वातड
बंगले इमले मान मरातब
मोठ्या धेंडांची मोठी मिजास
कार्यकर्त्यांच्या नशिबी चटणी भाकर
अन सदैव सुखाचा भाळी नकार
शिकवले मज या बुद्धिबळाने
प्याद्याचे जीणे नको रे बाबा
हवे तर हत्ती घोडा उंट वजीर होऊ
राजा संगे बुध्दीजीवी होऊन मजेत राहू
शेळ्या मेंढयांचे आता जीणे नको
बलिदानाचे आता गोडवे नको
सक्षम बुद्धिजीवी जीवन घडवूया
सुख समाधान शांतीचे खरे
हवे तेच करुनी आनंदी जीवन जगुया....!