पाऊस
पाऊस
हा पाऊस वेडा झाला
रिमझिम बरसला केंव्हा
धुव्वाधार येऊनी गेला
बैल गेला अन झोपा केला
हा पाऊस वेडा झाला
धो धो बरसला कधी
निकड होती तेंव्हा
तोंड काळं करुनि गेला
हा पाऊस वेडा झाला
पुढा-यागत लहरी झाला
आश्वासक झाला परंतु
दुःखच देऊनी गेला
हा पाऊस वेडा झाला ...
जाताना वाकोल्या दाखवून गेला
ते येतात सुगीच्या दिवसात
अन तू वेळी अवेळी केंव्हाही
हा पाऊस वेडा झाला
आलास तेंव्हा घरचाच झालास
छाताडावर नाचलाच जसा
होत्याच नव्हतं क्षणार्धात
हा पाऊस वेडा झाला ...
वागतो का असा जाणून बुजून
आधीच का थोडी संकटे इथे
अन तुझे हे अतातायी वागणे
हा पाऊस वेडा झाला
स्वप्न भंगले , देह खंगले
काय मिळत रे तुला असे वागून
अगोदरच मेलेल्या पुन्हा मारून ?
हा पाऊस वेडा झाला
असा कसा रे तू वेंधळा
येतोस जातोस स्वमर्जीने
असून अडचण नसून खोळंबा