काळीज चिरून जाऊ नकोस

जीवनात येऊन अशी 

फिरून जाऊ नकोस 

निर्दयतेने काळीज माझं 

चिरून जाऊ नकोस ||0||

धडधड तूझ्या नावाने 

दिवसरात्र करतं हे 

केवळ एक तुझ्यावर 

सखे मात्र मरतं हे 

आठवणीतून अशी 

विरून जाऊ नकोस 

निर्दयतेने काळीज माझं 

चिरून जाऊ नकोस ||1||

धक्का तुटण्याचा हा 

आघात करून जाईल 

जिवनाची दोरी तुटेल 

अन गुदमरून जाईल 

विरहात अशी सखे 

जिरून जाऊ नकोस 

निर्दयतेने काळीज माझं 

चिरून जाऊ नकोस ||2||

लाथाडताना हृदय हे 

थोडातरी विचार कर 

विचार तूझ्या हृदयाला 

आणि मग प्रहार कर 

वाकड्यात अशी तू 

शिरून जाऊ नकोस 

निर्दयतेने काळीज माझं 

चिरून जाऊ नकोस ||3||

हृदय आहे हृदय गं 

खूप नाजूक असतं गं 

मेणासारखा वितळणारं 

तूप साजूक असतं गं 

क्रूरतेने हृदय असं 

पिळून जाऊ नकोस 

निर्दयतेने काळीज माझं 

चिरून जाऊ नकोस ||4||