संथ वाहते कृष्णामाई

न्यायदेवता उभी आंधळी

बांधून पट्टी डोळ्यावरती

तराजूत त्या पुण्य पडे वा

होऊ दे पापाची भरती

वरुनी दबाव टाकती मंत्री

विकले गेले किती वकील

कितीदा वाढवून दिल्या तारखा

फेटाळले कितीदा अपील

किती एक त्या दिशा, निर्भया

तुडवल्या गेल्या पायाखाली

मूक आक्रोश कित्येकांचा

नाहीच त्यांना कोणी वाली

विकती घरदार आपुले आपुले

न्यायासाठी होती कंगाल

देऊनी तारखा वरी तारखा

वकील मात्र मालामाल

आंधळी ती न्यायदेवता

तिला कशाची खंत नाही

काळ धावतो पुढे पुढे पण

संथ वाहते कृष्णामाई