STORYMIRROR

Jyoti gosavi

Tragedy

4  

Jyoti gosavi

Tragedy

आता तरी तयार रहा

आता तरी तयार रहा

1 min
432

 आता तरी तैय्यार रहा

 अजून तिच्या मेहंदीचा
 रंग होता ओला ओला
 तोच तिच्या सौभाग्यावर
आला दैत्याचा घाला

 अजून तिच्या भांगातला
 सिंदूर नव्हता वाळला
 तोच अतिरेक्याने मारले
 तिच्या प्राणप्रिय पतीला

 पहिलेच पाऊल तिचे
 रमले होते नंदन वनात
 आनंदाच्या हिंदोळ्यावर
 झुलत होती ती मनात

 सुखाचा सुंदर प्याला
ओठाशी नुकताच आला
 तोच त्या सैतानाने
 मातीत त्याला पाडला

 सहा दिवसाचा संसार अवघा
 काय सोसले काय भोगले
 माहित फक्त तिच्या जीवाला
 संसाराला ग्रहण लागले

 पतीच्या शवापाशी
 राहिली ती बसून
 सगळ्या भावभावना
 गेल्या होत्या थिजून

 पाहून त्या दृश्याला
 रक्त खवळले आहे
 कोण्या एका बहिणीसाठी
 मन हळहळले आहे

 नकोत आता कॅन्डल मार्च
 नकोत आता नुसत्या वल्गना
 पकडून त्या नराधमांना
 फासावरती चढवा ना

 काळाची ओळखून पावले
 आता तरी सावध व्हा
 किमान कुटुंब रक्षिण्यासाठी
 आता तरी तैय्यार राहा


साहित्याला गुण द्या
लॉग इन

Similar marathi poem from Tragedy